Saluton,
jen alvoko por raporti pri via kurso, lerneja grupo de: esperanto-en-lernejojn ĉe googlegroups.com

Karaj Geamikoj!

La Internacia Laborgrupo por Antaŭenigi la Lernejan Instruadon de Esperanto en januaro de ĉiu nova jaro renovigas, aktualigas la koncizajn adresarojn de bazgradaj, mezgradaj kaj triagradaj lernejoj, kiuj en la mondo instruas Esperanton.

Tiuj ĉi adresaroj plifaciligas la kontaktiĝon de la samgradaj lernejoj, por ke ili povu helpi kaj subteni unu la alian. Kiu ajn povas facile, rapide kaj malmultekoste presigi la adresarojn por montri ilin al la skeptikaj lernejestroj: - "Vidu, per Esperanto nia lernejo povus kontaktiĝi kun tiom da lernejoj!" Ni ne forgesu la pozitivan retrokuplo-efikon: ju pli multaj lernejoj instruos Esperanton, des pli multaj lernejoj volos sekvi ilin...

Ni ŝatus peti Vin, ke

se Vi ankoraŭ ne aperigis la datenojn de Via lernejo en la rubriko Kursejo de la renovigita retejo: http://www.edukado.net , bonvolu aperigi ilin ankaŭ tie.

Kun antaŭdanko pro Via helpo ni deziras pacan, sukcesan novan jaron,

plej amike, Ludoviko Molnár kaj Julinjo Farkas